జాంబీ రెడ్డి కాంబో మ‌రోసారి మ్యాజిక్ చేసేందుకు సిద్ద‌మైంది. అ!, క‌ల్కి, జాంబిరెడ్డి వంటి డిఫరెంట్ జోన‌ర్ చిత్రాల‌తో విమ‌ర్శ‌కుల ప్ర‌శంస‌ల‌తో పాటు క‌మ‌ర్షియ‌ల్‌గా కూడా మంచి స‌క్సెస్‌ల‌ను అందుకున్నారు క్రియేటివ్ డైరెక్ట‌ర్ ప్రశాంత్ వర్మ. విభిన్న కాన్సెప్ట్‌లతో కమర్షియల్ ఎంటర్‌టైనర్‌లను రూపొందించడంలో ప్రశాంత్ వర్మది ప్రత్యేక శైలి. ప్ర‌స్తుతం మరో సారి ఓ వినూత్న ప్రయత్నానికి శ్రీకారం చూట్టారు. హను-మాన్ చిత్రం ద్వారా తెలుగు ప్రేక్షకులకు ఓ సరికొత్త సినిమాటిక్ జోనర్‌ను పరిచయం చేసేందుకు రెడీ అయ్యారు. ప్రశాంత్ వర్మ దర్శకత్వంలో వ‌చ్చిన `జాంబీరెడ్డి` సినిమాలో తన నటనతో ఆక‌ట్టుకున్న యంగ్ హీరో తేజా సజ్జాతో కలిసి ప్రశాంత్ వర్మ చేస్తోన్న ఒరిజినల్‌ ఇండియన్‌ సూపర్‌ హీరో ఫిల్మ్‌ హను–మాన్. హను-మాన్ ఫస్ట్ లుక్ పోస్టర్‌తో పాటు అంజనాద్రి ప్రపంచం నుండి హనుమంతుడిని పరిచయం చేసే 65 సెకన్ల ఫస్ట్ గ్లింప్స్‌ను హీరో దుల్కర్ సల్మాన్ విడుదల చేసారు.
ప్రశాంత్ వర్మ బర్త్‌ డే సందర్భంగా విడుద‌లైన `హను-మాన్` టైటిల్, టైటిల్ టీజ‌ర్ కి ట్రెమండ‌స్ రెస్పాన్స్ వ‌చ్చిన సంగతి తెలిసిందే. ఇక ఈ ఫస్ట్ లుక్, గ్లింప్స్‌లో తేజ సజ్జా నెవ్వర్ బిఫోర్ అన్నట్టుగా కనిపిస్తున్నారు. తేజ గెటప్ కూడా చాలా డిఫరెంట్ గా ఉంది. అతను ప్రింటెడ్ షర్ట్, తెల్లటి పైజామా ధరించి కనిపిస్తున్నాడు. మెడలో అద్భుతమైన సిల్వర్ కలర్ లాకెట్టు కనిపిస్తోంది.
హను-మాన్ సినిమా తెలుగు, తమిళం, కన్నడ, మలయాళం మరియు హిందీ భాషలలో రూపొందుతోంది. అన్ని భాషల్లో ఈ మూవీ ఫస్ట్ లుక్ పోస్టర్ విడుద‌లైంది. ప్రైమ్ షో ఎంటర్టైన్మెంట్ ఈ చిత్రాన్ని గ్రాండ్ స్కేల్ లో అత్యాధునిక విఎఫ్ఎక్స్ తో రూపొందిస్తోంది. ప్ర‌ముఖ న‌టీన‌టులు, టాప్-గ్రేడ్ టెక్నీషియన్లు ఈ సినిమా కోసం వ‌ర్క్ చేస్తున్నారు. ప్ర‌స్తుతం ఈ మూవీ షూటింగ్ హైద‌రాబాద్‌లో జ‌రుగుతుంది. ప్ర‌ధాన తారాగ‌ణంపై కీల‌క స‌న్నివేశాల‌ను చిత్రీక‌రిస్తున్నారు.