కేజిఎఫ్ సినిమా తో స్టార్ డైరెక్టర్ గా మారాడు ప్రశాంత్ నీల్. ప్రశాంత్ నీల్ ప్రస్తుతం యంగ్ రెబల్ స్టార్ ప్రభాస్ తో సలార్ సినిమా చేస్తున్నాడు. భారీ అంచనాల మధ్య తెరకెక్కుతున్న ఈ సినిమాలో ప్రభాస్ సరసన శృతి హాసన్ హీరోయిన్ గా నటిస్తోంది. ఇప్పటికే ఈ సినిమాకు సంబంధించి విడుదలైన లుక్స్ ప్రేక్షకులను విశేషంగా ఆకట్టుకున్నాయి.
అయితే తాజాగా ఈ సినిమాకు సంబంధించిన వీడియో ఒకటి ఇప్పుడు సోషల్ మీడియాలో వైరల్ అవుతోంది. షూటింగ్ లో ప్రభాస్ పాల్గొన్న వీడియో అది. ఇందులో ప్రభాస్ నడుచుకుంటూ వస్తూ కనిపించాడు. పక్క మాస్ యాంగిల్ లో ప్రభాస్ స్టైల్ గా కనిపిస్తున్నాడు. ఈ వీడియో చూసిన ప్రభాస్ అభిమానులు పండగ చేసుకుంటున్నారు. ప్రస్తుతం ఈ వీడియో సోషల్ మీడియాలో ట్రెండ్ అవుతుంది.