గత ఏడాది ఆఖరులో గోపిచంద్ మలినేని దర్శకత్వంలో వచ్చిన క్రాక్ సినిమాతో సూపర్ డూపర్ హిట్ ని అందుకున్నాడు మాస్ మహారాజా రవితేజ. ప్రస్తుతం రమేష్ వర్మ దర్శకత్వంలో ఖిలాడి సినిమా చేస్తున్నాడు రవితేజ. ఈ సినిమా షూటింగ్ దాదాపు చివరి దశకు చేరుకుంది. అయితే ఈ సినిమా తర్వాత కూడా రవితేజ మంచి లైనప్ ఏర్పాటు చేస్తున్నాడట.
అందులో భాగంగానే తమిళ మరియు తెలుగు సూపర్ డూపర్ హిట్ చిత్రాలకు అసిస్టెంట్ డైరెక్టర్ గా పనిచేసిన శరత్ మందవ తో కూడా రవితేజ ఓ సినిమా చేయబోతున్నాడు. అయితే ఈ చిత్రంలో ప్రతి అంశం కూడా అదిరిపోతుందని తెలుస్తోంది. టైటిల్ అలాగే థీమ్ సాంగ్, ఫస్ట్ లుక్ ప్రతిదీ కూడా అదిరిపోతాయట. ఇక ఈ సినిమా జూలై నుంచి స్టార్ట్ అయ్యే అవకాశం ఉందని తెలుస్తోంది.