బుట్టబొమ్మ హీరోయిన్ పూజా హెగ్డే వరుస సినిమాలతో మంచి జోష్ మీద ఉంది. రాధాకృష్ణ దర్శకత్వంలో యంగ్ రెబల్ స్టార్ ప్రభాస్ హీరోగా తెరకెక్కుతున్న సినిమాలో పూజా హెగ్డే హీరోయిన్ గా నటిస్తున్న సంగతి తెలిసిందే. అయితే ఈ సినిమాకి సంబంధించిన షూటింగ్ ను పూర్తి చేసింది ఈ అమ్మడు. అంతేకాకుండా వెంటనే చెన్నైకి ఫ్లైట్ ఎక్కేసిందట.
నెల్సన్ దిలీప్ కుమార్ దర్శకత్వంలో విజయ్ దళపతి హీరోగా తెరకెక్కుతున్న చిత్రం బీస్ట్. ఈ చిత్రంలో కూడా పూజా హెగ్డే హీరోయిన్ గా నటిస్తోంది. సన్ పిక్చర్స్ పతాకంపై తెరకెక్కుతున్న ఈ సినిమాలో యోగిబాబు, వీ టీవీ గణేష్, అపర్ణ దాస్ కీలక పాత్రలో నటిస్తున్నారు. కాగా ఈ రోజు పూజ హెగ్డే విజయ్ దళపతి పై జానీ మాస్టర్ కొరియోగ్రఫీ లో ఓ సాంగ్ షూట్ చేయబోతున్నారని సమాచారం.