అజయ్ భూపతి దర్శకత్వంలో వచ్చిన ఆర్ఎక్స్100 సినిమా తో తెలుగు ప్రేక్షకులకు పరిచయమైంది పాయల్. ఈ సినిమాలో నెగటివ్ షేడ్స్ ఉన్న పాత్రలో నటిస్తూ అందాలను ఆరబోస్తూ యూత్ లో మంచి ఫాలోయింగ్ ను సంపాదించుకుంది. ఈ సినిమా తర్వాత వెంకీ మామ, డిస్కో రాజా వంటి చిత్రాలలో కూడా నటించింది. అయితే ఈ సినిమాలు పాయల్ కు స్టార్ డమ్ ను తీసుకురాలేకపోయాయి. తర్వాత ఓ వైపు హీరోయిన్ గా నటిస్తూనే… మరోవైపు ఐటమ్ సాంగ్స్ కూడా చేస్తుంది. ఇటీవల ఓటిటిలో రిలీజైన అనగనగా ఓ అతిధి సినిమాలో కూడా నటించింది.
ఇప్పుడు మరో వెబ్ సిరీస్ కు ఓకే చెప్పింది పాయల్. త్రీ రోజెస్ పేరుతో తెరకెక్కుతున్న వెబ్ సిరీస్ లో పాయల్ అవకాశం దక్కించుకుందట. ఈ వెబ్ సిరీస్ షూటింగ్ కూడా మొదలైంది. ఇందులో కూడా నెగిటివ్ షేడ్స్ ఉన్న పాత్రలో పాయల్ కనిపించబోతున్నట్లు తెలుస్తోంది. ఇక తమిళంలో ఉదయనిధి స్టాలిన్ హీరోగా తెరకెక్కుతున్న ఏంజల్ అనే హర్రర్ థ్రిల్లర్ ఫిల్మ్ లో నటిస్తోంది.