వైష్ణవ్ తేజ్ హీరోగా బుచ్చిబాబు సాన దర్శకత్వంలో వచ్చిన ఉప్పెన సినిమా ఎంతటి ఘన విజయం సాధించిందో ప్రత్యేకంగా చెప్పనవసరం లేదు. కోట్ల రూపాయలను వసూళ్లు సాధించింది. మరోవైపు వైష్ణవ్ తేజ్ క్రిష్ దర్శకత్వంలో కూడా ఓ సినిమా చేస్తున్నాడు. ఈ సినిమాలో వైష్ణవ్ తేజ్ సరసన రకుల్ ప్రీత్ సింగ్ హీరోయిన్ గా నటిస్తుంది. ఇదిలాఉండగా కింగ్ అక్కినేని నాగార్జున తో మరో సినిమా చేయబోతున్నాడు.
అయితే ఈ సినిమాలో నాగార్జున నటించడం లేదట. కేవలం నిర్మాతగా మాత్రమే వ్యవహరిస్తున్నాడట. ఇక ప్రస్తుతం వైల్డ్ డాగ్ సినిమా ప్రమోషన్స్ లో బిజీగా ఉన్న నాగ్ ఈ పనులు పూర్తయ్యాక ఈ సినిమాపై దృష్టి పెట్టనున్నారట. ఇక ఈ సినిమాతో కొత్త దర్శకుడిని కూడా ఇండస్ట్రీకి పరిచయం చేయబోతున్నట్లు తెలుస్తోంది. ఈ సినిమాకు సంబంధించి అఫీషియల్ గా త్వరలోనే ప్రకటన చేస్తానని నాగ్ తెలిపారు.