నటుడు శ్రీనివాస్ రెడ్డి కమెడియన్ గా ఎన్నో సినిమాలలో నటించారు. అంతే కాకుండా హీరోగా కూడా రాణిస్తున్నారు. ప్రస్తుతం శ్రీనివాస్ రెడ్డి ముగ్గురు మొనగాళ్ళు అనే సినిమా తీస్తున్నాడు. అభిలాష్ రెడ్డి దర్శకత్వంలో తెరకెక్కుతున్న ఈ సినిమాలో దీక్షిత్ శెట్టి, వెన్నెల రామారావు కీలక పాత్రలో నటిస్తున్నారు. అయితే ఈ ముగ్గురిలో ఒకరికి కనిపించదు, ఒకరి వినిపించదు, ఒకరికి మూగ.
అయితే ఈ ముగ్గురు కూడా జీవితంలో ఊహించని విధంగా ఓ సంఘటన చోటు చేసుకుంటుంది. ఆ తర్వాత ఎలాంటి పరిణామాలు జరిగాయి… అనే కథతో ఈ చిత్రం తెరకెక్కుతోంది. అయితే ఈ సినిమాను ఆగష్టు 6న విడుదల చేయబోతున్నట్లు దర్శక నిర్మాతలు అధికారికంగా ప్రకటించారు. కరోనా కారణంగా లాంగ్ గ్యాప్ తర్వాత రిలీజ్ అవుతున్న ఈ సినిమా ఎలాంటి విజయం సాధిస్తుందో చూడాలి.