ప్రపంచ బాక్సింగ్ చరిత్రలో మైక్ టైసన్ పాత్ర ఎప్పటికి నిలిచిపోతుంది. బాక్సింగ్ చరిత్రలో కనివిని ఎరుగని రికార్డులను తన ఖాతాలో వేసుకున్నాడు టైసన్. ఈ దిగ్గజ క్రీడాకారుడు ఇప్పుడు తెలుగు సినిమాలో మెరవబోతున్నాడు. విజయ్ దేవరకొండ లైగర్ చిత్రంలో నటిస్తున్న మైక్ టైసన్ మైక్ ఓ పాత్ర చేయనున్నాడు. విజయ్ దేవరకొండ, పూరీ జగన్నాథ్ కాంబోలో వస్తున్న లైగర్ చిత్రంలో మైక్ టైసన్ కూడా నటిస్తున్నాడు. చిత్ర నిర్మాణ సంస్థ పూరీ కనెక్ట్స్ ఈ విషయాన్ని తన సోషల్ మీడియా ఖాతా ద్వారా వెల్లడించింది. భారతీయ వెండితెరపై మైక్ టైసన్ ఓ సినిమాలో నటించడం ఇదే తొలిసారి అని తెలిపింది. నమస్తే టైసన్ అంటూ స్వాగతం పలికింది. లైగర్ చిత్రం కోసం టైసన్ పై పలు సన్నివేశాలను చిత్రీకరించనున్నారు. లైగర్ చిత్రంలో విజయ్ దేవరకొండ మిక్స్ డ్ మార్షల్ ఆర్ట్స్ (ఎంఎంఏ) ఫైటర్ పాత్ర పోషిస్తున్నాడు. ఇందులో విజయ్ దేవరకొండ సరసన అనన్య పాండే కథానాయిక.
ఇది కూడా చదవండి: ఆసక్తికరంగా వైష్ణవ్ తేజ్ ‘కొండపొలం’ ట్రైలర్