కరోనా మహమ్మారి ఎంతోమందిని మింగేస్తోంది. చిన్న పెద్ద పేద ధనిక అనే తేడా లేకుండా పొట్టన పెట్టుకుంటోంది. అయితే తాజాగా చిరంజీవి వీరాభిమాని ఎర్ర నాగబాబు కరోనాతో మృతి చెందారు. ఇక ఇదే విషయమై చెబుతూ మెగాస్టార్ చిరంజీవి ఓ ట్వీట్ చేశారు. తన పిలుపు మేరకు ఎన్నో సామాజిక కార్యక్రమాలను చేసి తాను గర్వపడేలా నాగబాబు చేశాడని అన్నారు. తమ ఐ బ్యాంకు ను ఆదర్శంగా తీసుకుని కోనసీమ లో ఐ బ్యాంక్ ను ఏర్పాటు చేశాడని చూపు కోల్పోయిన ఎంతోమందికి చూపును తిరిగి తీసుకు వచ్చారని అన్నారు.
అంత మంచి మనిషి కాకినాడలోని ఓ ఆసుపత్రిలో చికిత్స పొందుతూ చనిపోవడం బాధాకరమని… కొన్ని రోజుల క్రితం తను ఆయనతో మాట్లాడానని దురదృష్టవశాత్తు ఆయన చనిపోయారన్నారు మెగాస్టార్. మిస్ యు నాగబాబు అంటూ చెప్పుకొచ్చారు చిరు.