ఇటీవల కాలంలో మెగా బ్రదర్ నాగబాబు సోషల్ మీడియాలో యాక్టివ్ గా ఉంటూ అభిమానులతో చిట్ చాట్ చేస్తున్న సంగతి తెలిసిందే. వారు అడిగే ప్రశ్నలకు ఫన్నీ ఆన్సర్ కూడా ఇస్తున్నారు. కాగా ఇటీవల వరుణ్ మ్యారేజ్ ఎప్పుడు చేస్తారు అని ఓ నెటిజన్ ప్రశ్నించగా మంచి సంబంధాలు ఉంటే చూడండి… అని ఆన్సర్ చేశారు. ఇప్పుడు తాజాగా మరో సారి వరుణ్ పెళ్లి అంశం తెరపైకి వచ్చింది.
వరుణ్ అన్నా… సాయి పల్లవికి మ్యారేజ్ చేస్తారా జోడి బాగుంటుందని ఓ నెటిజన్ కామెంట్ చేశాడు. దీనిపై స్పందించిన నాగబాబు జాతిరత్నాలు సినిమాలోని క్లైమాక్స్ కోర్ట్ సీన్ వీడియోను పోస్ట్ చేశారు. ఆ సీన్ లో బ్రహ్మానందం మాట్లాడుతూ తీర్పు మీరు మీరు చెప్పుకోండ్రా. ఇక, నేనేందుకు ఇక్కడి నుంచి వెళ్లిపోతాలే అంటూ చెబుతారు. ఇక ఇప్పుడు నాగబాబు పోస్ట్ చేసిన ఈ వీడియో వైరల్ గా మారింది.
