టాలీవుడ్ యంగ్ హీరో తనీష్ ప్రధాన పాత్రలో జానీ దర్శకత్వంలో తెరకెక్కుతున్న యాక్షన్ థ్రిల్లర్ చిత్రం మహాప్రస్థానం. భారీ అంచనాల మధ్య తెరకెక్కుతున్న ఈ సినిమాలో ముస్కాన్ సేథీ హీరోయిన్ గా నటిస్తోంది. అలాగే భానుశ్రీ మెహ్రా, కబీర్ దోహా సింగ్, రాజా రవీంద్ర తదితరులు కీలక పాత్రలు పోషించారు. అయితే ఇప్పటికే ఈ సినిమాకు సంబంధించి విడుదలైన ఫస్ట్ లుక్ ,మోషన్ పోస్టర్, టీజర్ ల కు ప్రేక్షకుల నుంచి మంచి స్పందన లభించింది.
కాగా ఈ సినిమాను ఆగస్టులో రిలీజ్ చేసేందుకు చిత్ర యూనిట్ సన్నాహాలు చేస్తోంది. ఇప్పటికే కరోనా కారణంగా చాలా సినిమాలు రిలీజ్ డేట్ వాయిదా వేసుకున్నాయి. ఇప్పుడిప్పుడే కరోనా తగ్గుముఖం పడుతుండటంతో రిలీజ్ కు చాలా సినిమాలు సిద్ధం అవుతున్నాయి.