హిట్ ఫ్లాప్ లతో సంబంధం లేకుండా వరుసగా సినిమాలు చేస్తున్నాడు టాలీవుడ్ యంగ్ హీరో నితిన్. ఇటీవలే రంగ్ దే సినిమాతో ప్రేక్షకుల ముందుకు వచ్చిన నితిన్ ప్రస్తుతం మేర్లపాక గాంధీ దర్శకత్వంలో మాస్ట్రో సినిమా చేస్తున్నాడు. ఇక ఈ సినిమాలో నితిన్ సరసన నభా నటేష్ హీరోయిన్ గా నటిస్తోంది. అలాగే తమన్నా కీలక పాత్రలో నటిస్తోంది. బాలీవుడ్ లో సూపర్ హిట్ సాధించిన అందాధూన్ సినిమాకు రీమేక్ గా ఈ చిత్రం తెరకెక్కుతోంది.
అయితే ఈ సినిమాకు సంబంధించిన ఫస్ట్ ప్రోమో సాంగ్ ను చిత్ర యూనిట్ విడుదల చేసింది. బేబీ ఓ బేబీ అంటూ విడుదలైన ఈ ప్రోమో సాంగ్ సినీ అభిమానులను ఆకట్టుకుంటోంది. దీనికి సంబంధించిన పూర్తి లిరికల్ సాంగ్ రేపు ఉదయం 10గంటల ఎనిమిది నిమిషాలకు చిత్ర యూనిట్ విడుదల చేయనుంది. ఇక ఈ సినిమాకు మహతి స్వర సాగర్ సంగీతం అందిస్తున్న సంగతి తెలిసిందే.
