కోలీవుడ్ స్టార్ హీరో కార్తీ హీరోగా నటించిన లేటెస్ట్ సూపర్ హిట్ స్పై థ్రిల్లర్ చిత్రం “సర్దార్”. తమిళంలో మంచి థ్రిల్లర్ సినిమాల స్పెషలిస్ట్ పిఎస్ మిత్రన్ తెరకెక్కించిన ఈ చిత్రం కూడా సూపర్ హిట్ అయ్యి కార్తీ కెరీర్ లో 100 కోట్ల గ్రాసర్ గా నిలిచింది. మరి తెలుగులో కూడా భారీ వసూళ్లు అందుకుని హిట్ గా నిలిచిన ఈ చిత్రం ఇప్పుడు ఆల్ మోస్ట్ థియేట్రికల్ రన్ ని కంప్లీట్ చేసుకోవచ్చింది.
ఇక.. ఇప్పుడు ఈ చిత్రం ఓటిటి రిలీజ్ కానున్న‌ట్టు లేటెస్ట్ అప్డేట్ తెలుస్తుంది. ఈ చిత్రాన్ని తెలుగు, తమిళ భాషల్లో ఓటిటి హక్కులను ఆహా సంస్థ కొనుగోలు చేసింది. దీంతో ఈ సినిమా నవంబర్ 24 నుంచి స్ట్రీమింగ్‌ కానున్నట్టుగా టాక్ వినిపిస్తుంది. మరి దీనిపై అధికారిక క్లారిటీ రావాల్సి ఉంది. ఇక ఈ చిత్రానికి జీవీ ప్రకాష్ సంగీతం అందించగా ప్రిన్స్ మూవీస్ వారు నిర్మాణం వహించారు.