రెండేండ్ల కింద ప్రముఖ ఓటీటీ సంస్థ ‘అమెజాన్ ప్రైమ్ వీడియో’లో రిలీజ్ అయ్యి సెన్సేషన్ క్రియేట్ చేసిన హిందీ వెబ్ సిరీస్ ‘మీర్జాపూర్’. అత్యధిక వ్యూయర్ షిప్ ను దక్కించుకున్న సిరీస్ గా పలు అవార్డులను కూడా అందుకుంది. ఈ క్రైమ్ డ్రామాను ఫర్హాన్ అక్తర్, రితేష్ సిధ్వానీ తమ ప్రొడక్షన్ హౌస్ ఎక్సెల్ ఎంటర్‌టైన్‌మెంట్ పై రూపొందించారు. ఈ సిరీస్ లో మాఫియా డాన్ గా పంకజ్ త్రిపాఠి, అతని భార్య బీనా త్రిపాఠిగా రసిక దుగల్, కొడుకు మున్నాగా దివ్యేందు, గ్యాంగ్‌స్టర్ గుడ్డు పండిట్‌గా అలీ ఫజల్, గజ్‌గామిని గుప్తా అకా గోలుగా శ్వేతా త్రిపాఠి శర్మ నటించారు. ఈ పాత్రలు ప్రేక్షకులను ఎంతగానో అలరించాయి.
ఇప్పటికే రిలీజ్ అయిన రెండు సీజన్లతో ఆడియెన్స్ ను మెప్పించింది ఈ వెబ్ సిరీస్.. అన్న, చెల్లిని చంపిన మున్నా త్రిపాఠిని గుడ్డూ పండిట్ చంపి పగ సాధిస్తాడు. అక్కడితో రెండో సీజన్ ముగుస్తుంది. ఆ తర్వాత అఖండానంద్, గుడ్డు పండిట్ మధ్య ఏం జరిగిందనేని మూడో సీజన్ తో తెలియాల్సి ఉంది. దీంతో ప్రేక్షకులు ‘మీర్జాపూర్ సీజన్ 3’ కోసం ఎంతగానో ఎదురుచూస్తున్నారు.
ఈ క్రమంలో నటుడు అలీ ఫజల్ ఓ క్రేజీ పోస్ట్ తో ఆడియెన్స్ కు గుడ్ న్యూస్ అందించారు. సీజన్ 3పై అప్డేట్ ఇస్తూ.. షూటింగ్ పూర్తైందని తెలిపారు. ఈ సందర్భంగా చిత్ర యూనిట్ తో కలిసి ఉన్న ఓ ఫొటోను షేర్ చేశాడు అలీ ఫజల్. ఇక అందరూ ఎంతగానో ఎదురుచేస్తున్న ఈ వెబ్ సిరీస్ సీజన్3 2023లో ప్రేక్షకుల ముందుకు రానుంది.