లోకేష్ కనకరాజ్ దర్శకత్వంలో కమల్ హాసన్ హీరోగా తెరకెక్కబోతున్న చిత్రం విక్రమ్. మాస్టర్ సినిమా తర్వాత లోకేష్ కనకరాజ్ తీస్తున్న సినిమా కావడంతో ఈ సినిమాపై భారీ స్థాయిలో అంచనాలు నెలకొన్నాయి. కరోనా తగ్గాక ఈ సినిమా షూటింగ్ ప్రారంభం కానుంది. అలాగే ఈ సినిమాకు ప్రముఖ సంగీత దర్శకుడు అనిరుధ్ సంగీతం అందించనున్నారు. మరోవైపు తమిళ స్టార్ హీరో విజయ్ సేతుపతి విలన్ పాత్రలో నటిస్తుండగా… మలయాళ స్టార్ హీరో ఫహాద్ ఫాసిల్ మరో కీలక పాత్రలో కనిపించనున్నారు.
ఇదిలా ఉండగా ఈ సినిమాకు సంబంధించి ఓ వార్త ఇప్పుడు సోషల్ మీడియాలో వైరల్ అవుతోంది. ఫహాద్ ఈ సినిమాలో అవినీతిపరుడైన పోలీసు అధికారి పాత్రలో కనిపించనున్నాడట. అండర్ కవర్ పోలీస్ ఆఫీసర్ గా సినిమా మొత్తం విలన్ కు సహాయం చేసే పాత్రలో కనిపించనున్నాడని తెలుస్తోంది. ఇక గ్యాంగ్ స్టార్ గా విక్రమ్ పాత్రలో కమల్ కనిపించబోతున్నారు.