బాలీవుడ్ జంట బిపాసా బసు-కరణ్ సింగ్ గ్రోవర్ పేరెంట్స్ అయ్యారు. నిన్న (శనివారం) వారికి బిడ్డ పుట్టినట్టు తెలిపారు. తమకు పాప పుట్టిందని సోషల్ మీడియాలో ఈ క్రేజీ కపుల్ సంబురంగా ప్రకటించారు. ఆగస్ట్ 16వ తేదీన బిపాసా, కరణ్ తాము పేరెంట్స్ కాబోతున్న విషయాన్ని వెల్లడిచేశారు. ఇక.. సోషల్ మీడియాలో బిపాసా అయితే.. తన ప్రెగ్నెన్సీని తెలియజేస్తూ ఎంతో సంతోషంగా పోస్టులు పెడుతూ వచ్చింది.
కాగా, ఇవ్వాల (ఆదివారం) బిపాసా, కరణ్ దంపతులు తమ పాపకు ‘దేవీబసు సింగ్ గ్రోవర్’ గా నామకరణం చేసినట్టు తెలిపారు. ఈ విషయాన్ని సోషల్ మీడియాలో ఒక ఫోటోని పోస్టు చేయడం ద్వారా వెల్లడించారు. పాప ఫొటోని చూసిన బిపాసా అభిమానులు, సినీ ఇండస్ట్రీలో ఉన్న ఫ్రెండ్స్ వారిని అభినందనల్లో ముంచెత్తుతున్నారు. ఈమధ్య సెలబ్రిటీ జంటలు రణబీర్ కపూర్- అలియా భట్, గుర్మీత్ చౌదరి – డెబినా బోనర్జీ కూడా తల్లిదండ్రులైన విషయం తెలిసిందే.