తెలుగు సినీ ప్రేక్షకులకు అనుష్క గురించి పరిచయం అవసరం లేదు. అరుంధతి, భాగమతి వంటి లేడి ఓరియెంటెడ్ సినిమాలతో పాటు హీరోయిన్ గా కూడా ఎన్నో సినిమాలలో నటించి అదరగొట్టిన అనుష్క ఇటీవల నిశ్శబ్దం సినిమాతో ప్రేక్షకుల ముందుకు వచ్చింది. అయితే ఈ సినిమా తర్వాత కొత్త సినిమాని ఇప్పటివరకు ప్రకటించలేదు. కాగా తాజా సమాచారం ప్రకారం రారా కృష్ణయ్య ఫెమ్ మహేష్ దర్శకత్వంలో ఓ సినిమా చేయబోతున్నట్లు తెలుస్తోంది.
అయితే ఇందులో నవీన్ పోలిశెట్టి ప్రధాన పాత్రలో కనిపించనున్నాడట. ఇక 40 ఏళ్ల అమ్మాయి పాత్రలో అనుష్క పాతికేళ్ల అబ్బాయి పాత్రలో నవీన్ పోలిశెట్టి కనిపించనున్నాడట. ఈ ఇద్దరు ప్రేమలో పడితే ఎలా ఉంటుంది అనే కాన్సెప్టుతో ఈ సినిమా తెరకెక్కనుందని తెలుస్తోంది. కాగా తాజా సమాచారం ప్రకారం ఈ సినిమాకు మిస్ శెట్టి, మిస్టర్ పోలిశెట్టి అనే టైటిల్ ను కూడా ఫిక్స్ చేసినట్లు తెలుస్తోంది. ఇక ప్రస్తుతం సినిమాల్లేక అనుష్క మళ్లీ బరువు పెరిగినట్లు కనిపిస్తోంది. అందుకు సంబంధించిన లేటెస్ట్ ఫోటో ఒకటి సోషల్ మీడియా లో వైరల్ అవుతుంది. ఆ ఫోటోలో అనుష్క చాలా బొద్దుగా కనిపిస్తుంది.