తమిళ స్టార్ దర్శకుడు శంకర్ గురించి కొత్తగా చెప్పనవసరం లేదు. శంకర్ ఎన్నో అద్భుతమైన సినిమాలను తెరకెక్కించారు. మరోవైపు మెగా పవర్ స్టార్ రామ్ చరణ్ ఆర్ఆర్ఆర్ సినిమాతో పాన్ ఇండియా స్టార్ గా మారబోతున్నాడు. అయితే ఈ ఇద్దరి కాంబినేషన్ లో సినిమా అనౌన్స్ చేసినప్పటి నుంచి ఈ సినిమాపై అంచనాలు ఎక్కువయ్యాయి. అయితే ఈ సినిమాలో చరణ్ ను శంకర్ ఎలా చూపించబోతున్నాడు అనే ఆసక్తి కూడా అందరిలో నెలకొంది.
అయితే తాజా సమాచారం ప్రకారం ఇది ఓ మంచి సోషల్ మెసేజ్ ఉన్న సినిమా అని అలాగే కమర్షియల్ ఎలిమెంట్స్ కూడా అద్భుతంగా ఈ సినిమాలో ఉంటాయని తెలుస్తోంది. పొలిటికల్ బ్యాక్ డ్రాప్ లో ఈ సినిమా తెరకెక్కబోతోందని… కానీ రామ్ చరణ్ మాత్రం పొలిటికల్ లీడర్ గా కనిపించడం లేదని తెలుస్తోంది. మరి రామ్ చరణ్ పాత్ర ఏంటి అనే దానిపై అందరిలోనూ ఇప్పుడు ఆసక్తి రేకెత్తిస్తోంది. ఇక ఈ సినిమాను పాన్ ఇండియా లెవెల్ లో రిలీజ్ చేయబోతున్నారు. ఈ సినిమాను ప్రముఖ నిర్మాత దిల్ రాజు నిర్మిస్తున్నారు. ఇక రామ్ చరణ్ విషయానికొస్తే రామ్ చరణ్ ప్రస్తుతం ఆర్ఆర్ఆర్ సినిమా చేస్తున్నాడు. అలాగే ఆచార్య సినిమాలో కూడా నటిస్తున్నాడు.