సచివాలయానికి సంధానకర్తలుగా కన్వీనర్లు : మంత్రి జ‌య‌రాం

ఆలూరు : గ్రామాలలోని సచివాలయానికి, ప్రజలకు సంధానకర్తలుగా సచివాలయ కన్వీనర్లు వ్యవహరిస్తారని రాష్ట్ర కార్మిక ఉపాధి కల్పన శాఖ మంత్రి గుమ్మనూరు జయరాం తెలిపారు. ఈ సందర్భంగా మంత్రి క్యాంప్ కార్యాలయం నందు దేవరగట్టు ఆలయ కమిటీ చైర్మన్ శ్రీనివాసులు, నియోజకవర్గ ఇన్ చార్జి నారాయణస్వామి అధ్యక్షతన మాట్లాడుతూ తమ ప్రభుత్వం సచివాలయం వ్యవస్థ తీసుకొచ్చినప్పటి నుండి గ్రామాలలో ప్రజల జీవన ప్రమాణాలు మెరుగుపరచడానికి ఈ వ్యవస్థ ఎంతో ఉపయోగపడుతుందని తెలిపారు. ఈ కార్యక్రమానికి ఆలూరు, ఆస్పరి, దేవనకొండ మండలాల నుండి ఎంపీపీలు, జెడ్పిటిసిలు, వైస్ ఎంపీపీలు, కో ఆప్షన్ నెంబర్లు, ఎంపిటిసిలు, సర్పంచులు, ఉప సర్పంచ్లు, కన్వీనర్లు, కో కన్వీనర్లు, వార్డ్ నెంబర్లు, వాలంటరీలు, ఇతర ముఖ్య నాయకులు, కార్యకర్తలు, తదితరులు పాల్గొన్నారు.