రూ.5వేల కోట్లతో భోగాపురం విమానాశ్రయ నిర్మాణం: జీఎంఆర్

విశాఖ‌ప‌ట్నం – భోగాపురం ఎయిర్ పోర్టు నిర్మాణానికి జిఎంఆర్ గ్రూప్ రూ 5వేల కోట్ల రూపాయిలు పెట్టుబ‌డి పెట్ట‌నుంది.. ఈ విష‌యాన్ని విశాఖ‌లో జ‌రుగుతున్న గ్లోబ‌ల్ ఇన్వెస్ట్మెంట్ స‌మితిలో జిఎంఆర్ గ్రూప్ ఛైర్మ‌న్ మ‌ల్లిఖార్జున‌రావు ప్ర‌క‌టించారు.
“నా స్వరాష్ట్రం ఏపీ విశాఖపట్నంలోని భోగాపురం అంతర్జాతీయ విమానాశ్రయంలో గ్రీన్ ఫీల్డ్ ఎయిర్‌పోర్ట్‌ను అభివృద్ధి చేయడాన్ని మేము గొప్పగా భావిస్తున్నాము. ఈ విమానాశ్రయం మొదటి దశ లో ఆరు మిలియన్ల ప్రయాణికులకు మరియు అంతిమ సామర్థ్యం 30 మిలియన్ల ప్రయాణికులకు సేవలు అందిస్తుంది. మొదటి దశలో రూ. 5000 కోట్లు పెట్టుబడి పెట్టనున్నాం” అని జీఎంఆర్ గ్రూపు ఛైర్మన్ జీఎం రావు పేర్కొన్నారు.